Galicia Máxica

Todos os que circulásemos pola A-52 á altura de Sandiás, seguro que nos chamou a atención os restos dunha torre medieval que se levanta moi preto desta estrada. Non todo poden ser malas noticias en canto a protección e recuperación do patrimonio. Esta vez a boa sorte é para un torre que outrora vixiaba a hoxe desecada Lagoa de Antela. É a chamada Torre  do Castro, tamén coñecida como Torre de Sandiás . Trátase dunha icona deste municipio que mesmo adorna o escudo de Sandiás. Os veciños levan tempo reclamando unha axuda urxente para a posta en valor e conservación deste ben patrimonial aínda que lonxe dunha solución o problema estaba a agravarse ultimamente debido a diversos actos vandálicos incomprensible nos seus arredores. 😡Aparecen #pintadas vandálicas en el entorno de la torre medieval de O Castro (Sandiás), Bien de Interés Cultural y emblema de este concello de #ALimia . Ojalá la @guardiacivil logre identificar al "artista" o "artistas" para ...

Os hórreos son un elemento patrimonial que forman parte da paisaxe de Galicia desde fai xa centos de anos. A chegada do millo procedente de América e a súa elevada produción provocou que a partir do século XVIII este tipo de construcións popularizásese. Non é que non houbese antes pero a súa finalidade era gardar outro tipo de cereais. Os pazos, os mosteiros, as igrexas parroquiais, as familias… todos os que llo podían permitir, producindo ou recadando o suficiente para almacenar, tiñan o seu hórreo. Hainos de pedra, de madeira, mixtos, con pés, sen pés… todos co mesmo obxectivo: preservar a colleita a salvo de  alimañas e da humidade. Non é fácil saber cuantos hórreos hai en Galicia aínda que hai quen afirma que chegou a haber preto de 30.000, un por quilómetro cadrado de territorio galego. Hoxe imos percorrer diferentes lugares onde o hórreo é o máximo protagonista e para iso percorreremos once conxuntos de hórreos. HÓRREOS DE QUINS En Melón. Calvario y hórreos de Quins...

Non corre o tempo senón voa no Parque do Pasatempo … e mentres tanto prosegue a súa deterioración e segue esperando por unha solución real que de esperanzas para a súa conservación e un futuro máis prometedor. O Parque  do  Pasatempo localízase en Betanzos e foi ideado e promovido polos ilustres irmáns García Naveira xa fai máis de cen de anos coa intención de crear un gran parque temático. Xa pasaron moitos anos desde o seu abandono e pasa o tempo e ninguén parece ofrecer unha solución clara a este deixamento que vai matando o parque pouco a pouco. Mentres tanto acaba de ser incluído no catálogo da Lista Vermella do Patrimonio de Hispania Nostra que inclúe todos aqueles bens de España sometidos a risco de desaparición ou alteración.

Un dos elementos máis característicos da paisaxe galega son os cruceiros , unha obra de arquitectura popular que segundo datos poderían superar os 12.000 monumentos dentro do territorio da actual Galicia . E catalogar todos os posibles é o que pretende o proxecto Cruceiros de Galicia que conta con máis de 4300 inventariados e 6000 localizados nun mapa. Nesta web poderedes saber moito máis sobre eles e ter unha idea da inxente cantidade de cruceiros que se reparten por toda Galicia. O culto ás pedras pérdese nos inicios da humanidade, seguramente moito antes dos que podemos imaxinar. As súas formas, o seu abrigo, a súa dureza e a súa materia prima provocaron que pronto o home fixásese nelas. En Galicia temos manifestacións megalíticas presentes desde fai miles de anos, pedras que foron lugares de cultos pagáns ata non fai moito. Moitos destes situábanse en lugares especiais, como en encrucilladas e por iso abundan en Galicia as lendas relacionadas con eles e co culto aos c...

  Grata sorpresa a que nos levamos ao ir visitar de novo os restos do " Neveiro dos Frades", tamén coñecido como da Franqueira e propiedade na súa antigüidade dos monxes deste próximo mosteiro. Hai tempo soubemos da súa existencia e decidímonos ir atopar os seus restos. Non foi fácil, pois non aparecía nos mapas e por suposto non estaba sinalizado, pois non eran moitos os que coñecesen a súa existencia. Grazas a lectura especializada, á intuición e sobre todo ao "ditoso" Google Earth puidemos localizar os seus restos case imperceptibles daquela sobre o mapa. Era sabido que os seus restos non poderían estar en bo estado pero aínda así a decepción foi grande, pois non entendiamos como un elemento patrimonial de case 500 anos puidese estar en semellante esquecemento. As filtracións de auga provocaran esborralles nos seus muros e os incendios arrastraron gran cantidade de desfeitos cara a dentro como ramas e árbores. Este fin de semana propuxémonos volver...

Galicia xa ten a súa particular lista de praias e portos con "bandeiras azuis" do ano 2018. Este ano sitúase como a segunda comunidade autónoma con máis praias con este distinguido galardón por detrás da Comunidade Valenciana. En total das 590 bandeiras do territorio nacional serán 109 praias e 15 portos deportivos os obtidos por Galicia. Por provincias, Pontevedra obtén 55 bandeiras entre as que destaca unha única praia fluvial, a da Calzada en Ponte Caldelas. A Coruña obtén 40 e Lugo 14 galardóns. En contra a provincia de Ourense non obtén ningunha bandeira azul para ningunha das súas praias fluviais.  Respecto o ano pasado pérdense catro distintivos que son Langosteira, en Fisterra; A Ribeira, en Miño; Morouzos, en Ortigueira; Bares e Esteiro, en Mañón.   Aquí os deixamos o listado completo das praias de Galicia con Bandeira Azul para o ano 2018: PONTEVEDRA: A Guarda O Muíño Area Grande Baiona Os Frades A Barbeira A Concheira A Riveira Santa Marta...

Falar de muíños fariñeiros é falar dunha das construcións populares máis emblemáticas de Galicia xa que o seu uso foi clave para o desenvolvemento da economía de subsistencia no rural desde hai moitos séculos. Ademais de moer cereais, os muíños desenvolveron unha cultura popular ao redor deles enriquecendo o noso folclore enormemente. Eran lugares de reunión de interminables xornadas e esperas, lugares de acubillo e refuxio, lugares de duro traballo, agocho para amores secretos... Non en balde o muíño era considerado unha peza crave e por iso respectado por todos os membros dunha comunidade. O muíño emprégase desde hai séculos, tanto que a súa orixe pérdese na historia da humanidade e o uso das ferramentas. En Galicia temos as primeiras manifestacións no neolítico en forma de muíños naviculares fixos e portátiles, para despois chegar o muíño circular de dúas pezas que tamén era movido a man. Este último foi o xerme dos muíños fariñeiros de auga, pois o seu funcionamento era o mes...