Galicia Máxica

Lalín de Arriba (San Martiño) é unha das máis de cincuenta parroquias que o concello de Lalín conta dentro dos seus límites. Localízase xunto ao núcleo urbano da vila e a súa igrexa monacal é considerada un das orixes de Lalín. Hoxe en día consérvase unha igrexa con grandes trazos románicos cuxo orixe se remonta ao século X. Dita igrexa pertencía a un mosteiro benedictino fundado polo bispo de Mondoñedo Arias Peláez cara ao último cuarto do século X. Tratábase dun mosteiro mixto con abade e abadesa. Nun documento do ano 1019 menciónase a existencia dunha igrexa prerrománica e fálase da presencia dunha reliquia de San Martiño, a cal daría gran categoría a este cenobio que atraería a numerosos fieis. Lalín xurdiría a par do mosteiro para dar servizo a leste. O cenobio servía para dar acubillo e alimento aos peregrinos que se achegaban polo hoxe chamado Camiño do Inverno, que proviña de Rodeiro e que se dirixía a Santiago. Na mesma idade media o mosteiro de San Martiño xa deixou de existi...

União das freguesias de Caminha (Matriz) e Vilarelho A igrexa parroquial de Caminha tamén coñecida como Igreja de Nossa Senhora da Assunção ou Igreja Matriz sitúase moi preto das beiras do Río Miño embebida actualmente polas murallas do século XVII da vila. Trátase dun templo de transición entre o gótico e o renacemento con transformacións barrocas. Englóbase nas igrexas manuelinas de tres naves con cobertura de madeira e cabeceira abovedada. Segue o esquema das igrexas mendicantes do gótico portugués. O elaborado teito de carpintaria, mudéjar, de "par e nó" e manuelino. Os azulexos son de finais do XVII e os retablos de talla dourada son de estilo nacional. A Capela do Rosário ten unha representación da Árbore de Jessé, con ramaxes diagonais asimétricas, figuras baixas e raíces de gran realismo. Os confesionarios tamén son manuelinos. Iníciase a súa construción no ano 1428, celebrándose a primeira misa en 1488. Con todo non se finalizaría ata uns anos despois, xa no seguinte...

 Igreja de Santa Maria dos Anjos No interior da praza fortificada de Monção atópase a igrexa parroquial de orixe gótica. Ten planta lonxitudinal con varias dependencias como a sancristía encostadas ao norte e ao sur. Comézase a construír en 1308 e en 1521 engádese a Capela de São Sebastião. En 1641 constrúese a torre de tres corpos e anos máis tarde, en 1701, rehabilítase a igrexa integramente. Na súa fachada ábrese unha porta de arco de medio punto cunha fermosa decoración románica tardía. Aos lados existen dous óculos lobulados e sobre ela un gran rosetón. Vale a pena camiñar polas rúas contiguas e gozar da arquitectura civil desta vila.   Máis fotos aquí MAPA - LOCALIZACIÓN

Cruzando a  Ponte do Mouro , entre Barbeita e a União dás Freguesias de Ceivães e Badim, chegaremos á Capela de São Félix. Trátase dun fermoso conxunto arquitectónico composto de casa reitoral, peto, cruceiro, igrexa e fornelo. Por aquí circulaba o antigo camiño de peregrinación de Monção para a romaría da Senhora dá Peneda en Arcos de Valdevez. Igreja de São Félix Este templo relixioso situado en Barbeita e dedicado a São Félix presenta unha arquitectura manierista, rococó e neoclásica. Ten planta lonxitudinal e nave única cunha fachada rematada en frontón triangular con nicho e dous óculos no tímpano. No interior destacan os retablos rococós policromados e os retablos neoclásicos. Sobre a porta adintelada pódese ler a posible data de construción: ano 1765. Oratório de Santo Cristo / Oratório do Senhor da Boa Morte En fronte á porta principal da igrexa poderemos ver un fantástico fornelo rectangular que acubilla un cruceiro barroco policromado e unha especie de porta pintada con fresc...

Habería que profundar máis na procura de información sobre este santuario pois case non existe pegada dixital deste templo na rede e na páxina do concello de Cenlle tan só é nomeado brevemente. Tentaremos descubrir algo sobre a devoción e a orixe deste santuario. Sabemos que nos atopamos na antigamente chamada "Terra de Castela" un topónimo cuxo orixe se perde no segundo lustro da nosa era. Por iso non poderemos pensar en castelos medievais e por tanto habería que buscar a súa orixe noutro tipo de asentamentos, probablemente naqueles que os romanos denominaban "castellum", diminutivo de "castrum". Aquí poderedes saber algo máis sobre este topónimo: https://sites.google.com/site/frutosribeiro/castela E é concretamente un castro o que parece ser a orixe deste santuario barroco de Nosa Señora de Areas. O templo sitúase xunto a unha pequena lomba de 220 metros de altura desde o que divisaremos Ribadavia e o mesmo val do Avia. Esta lomba parece ser que albergou...

Meis ocupa o corazón do Salnés, hoxe día o corazón do albariño, esa prezada uva que fai as delicias dos máis exquisitos padais. A sempre asollada zona de Meis e a súa proximidade ao mar fan desta uva unha das mellores brancas para a elaboración de viño branco. A riqueza que trouxo a uva a diversos puntos de Galicia provocou que moitos templos fosen reconstruídos e reconvertidos en igrexas barrocas nos séculos XVII e XVIII. Con todo en Meis aínda conservamos un bo número de templos con marcado acento románico. Exemplos destes son Armenteira , a igrexa de Santa María ou a de San Martiño. Aquí, en San Salvador de Meis tamén temos outro templo de orixe románico. Se circulamos pola autovía do Salnés sempre nos chamará a atención a silueta coa fachada románica desta parroquia. Trátase dunha igrexa dunha soa nave cunha gran ábsida cadrada que conta cunha bóveda de canón e un arco de triunfo que os separa. Aínda que a súa orixe pérdese no século XII a igrexa sufriu numerosas reconstrucións pos...

Convento de Nossa Senhora de Mosteiró Cerdal En portugués a palabra "mosteiro" significa mosteiro, do mesmo xeito que en galego. Con todo con til na última "ó" (Mosteiró), amplía o seu significado referíndose a un "mosteiro pequeno". É o caso do mosteiro que nos ocupa, que de pequeno hoxe en día non ten nada. O que se ten é de abandono e se ninguén o remedia pronto os restos dos muros do mosteiro en cuestión virán abaixo. Ao sur do concello de Valença atópase a freguesía de Cerdal onde se conservan os restos dun gran mosteiro hoxe esquecido a pesar de contar cunha igrexa que é monumento nacional que está totalmente conservada. Conta a lenda que o primeiro cenobio foi fundado por eremitas que gardaron a imaxe da Virxe ante a invasión moura do século VIII. Da existencia dunha edificación xa nos fala Frei Agostinho de Santa María da cal nos di que foi abandonada no século X. A mediados do século X son os benedictinos os que fundan un mosteiro que posteriormen...

Por encima das ruínas do mosteiro de San Fins de Friestas levántase un pequeno cume que pertence ao sistema de Monte do Faro e que alcanza preto dos 400 metros sobre o nivel do mar. Localízase nunha situación privilexiada sobre o val do Miño e sobre os montes e terras circundantes polo que é posible alcanzar unha visión de gran parte do Baixo Miño, desde Tui ata os Montes da Paradanta. Por iso sería posible a localización aquí dalgún tipo de asentamento medieval de defensa da Raia do que con todo non temos constancia. Desde o punto máis alto veremos o mosteiro antes citado así como o santuario de Nossa Senhora dous Remédios de Soutelo . Trátase pois dun fantástico miradoiro onde non atoparás diferenzas fisícas entre o sur de Galicia e o norte de Portugal e onde che darás conta de que o Miño non é máis que un pequeno escollo na xeografía. Preto do cume existe unha pequena e sinxela ermida dedicada a Santo Ovídio, ás veces tamén denominado Santo Ouvidio. De planta rectangular cóbrese co...

União das freguesias de Gondomil e Safins Soutelo No concello de Valença e na unión de parroquias de Safins e Gondomil existe un lugar denominado Soutelo. Alí elévase unha pequena cima de 259 metros de altura cuxa figura lémbranos a silueta dun asentamento castrexo. Á súa forma elíptica debémoslle engadir os seus posibles fosos totalmente desconfigurados e sobre todo nunha das súas ladeiras a existencia dun elemento sacralizador de importancia: a Capela de Nossa Senhora dos Remedios. Do posible castro nada se pode ver pois na súa croa existe hoxe unha piscina municipal e son varias as estradas e pistas que o atravesan. Xunto á igrexa atopamos o motivo pagán que seguramente deu orixe á capela, hoxe igrexa parroquial. Xunto a ela eríxense dous xigantescos penedos que forman un gran oco por baixo delas. Alí, segundo a tradición cristiá apareceuse a Virxe. Poderemos ver entre reixas debaixo da gran roca un pequeno monumento á aparición da cal non sabemos se foi unha aparición mariana ou be...

Mosteiro - Igreja de São Fins de Friestas Sancti Mametis de Fenestris FRIESTAS A tan só 12 quilómetros de Valença localízanse nunha ladeira do Monte Faro e a 200 metros de altura os restos do mosteiro milenario de San Fins de Friestas cunha clara influencia do románico e cantería galega. Causa impresión o estado desta xoia histórica na que poderemos gozar dun gran número de elementos patrimoniais de entre os que destaca a súa espectacular igrexa románica. Claustros, soportais, cemiterio, acueducto, muíño, capelas, dependencias, lagares, eiras, terreos de cultivo, murallas, capelas e fontes, son só unha pequena parte do que nos depara este lugar que foi moi modificado durante os últimos séculos. Non hai unanimidade para a súa antigüidade. Mentres que uns sitúan as súas orixes xa en época alto medieval (principios de século VII), para outros a súa fundación sería no século XII. A derriba dun nártex secular no século XX no que existía unha data primitiva impediu o seu estudo minucioso e p...