Azud de Vill | GALICIA MÁXICA

-

Azud de Ivil


Sorprendentemente un gran sinal de Gas Natural indica que estamos no Azud de Vill, nome que non entendemos moi ben e que supoñemos que se trata dunha errata aínda que con todo nos arquivos de Unión Fenosa denomínase así. O máis parecido a este nome é a aldea de Ivil que está moi cerquita.

Durante a ditadura Unión Fenosa recibiu unha concesión para a explotación hidroeléctrica por cen anos da conca do Mao. Así construíu dous encoros e varias centrais na citada conca. O primeiro foi o encoro de Leboreiro, situado 1,5 km río arriba. Despois en 1978 acabouse o dos seus afluentes na zona de Edrada.



Aquí en Ivil (Pradomao), entre os concellos de Parada de Sil e Montederramo existe un pequeno azud cuxa construción se remonta ao ano 1925. Durante a construción do de Leboreiro, concretamente no ano 1947, adecuouse a vella presa para a captación mediante unha canle de máis de 4 km que levaría as augas ata as turbinas da central eléctrica de Regueiro, a beiras do Sil. A canle adoptou o nome de "canle novo". Debemos saber que o "canle vella" que conducía as augas ata a antiga Fábrica da Luz era captada por unha vella presa río abaixo.



Xunto ao azud localízase a central de Leboreiro que conta cunha canalización desde o encoro do mesmo nome.

Ten unha capacidade de 0.10 hm3 e o tipo de presa é por gravidade.

Uns metros máis abaixo temos a ponte medieval de Conceliños.

Máis fotos aquí






MAPA - LOCALIZACIÓN

Comentarios

Publicar un comentario

Publicacións populares deste blog

A lendaria Pedra da Serpe de Corme

-
Imaxe
 A Pedra da Serpe de Corme é un dos monumentos rupestres máis representativos de Galicia. A pesar da súa sinxeleza, espertou unha gran curiosidade de historiadores e arqueólogos ao longo dos últimos séculos. Trátase dun exemplo único en toda Europa Occidental, un relevo "vivo" da historia de Galicia. A Pedra da Serpe localízase no concello de Ponteceso, na parroquia de Corme Aldea, nun lugar de posible topónimo de orixe xermánica, o lugar de Gondomil.  Trátase dunha roca granítica no que se labrou a figura dunha gran serpe alada, algo que a fai única e excepcional. Séculos despois, o lugar foi cristianizado coa colocación dunha cruz sobre a mesma pedra. Esta cruz non é a actual, senón contemporánea, pois a orixinal xa non se conserva, xa que foi derrubada accidentalmente. A pesar das numerosas hipóteses sobre a cronoloxía desta curiosa pedra, aínda ninguén o ten claro e todo son especulacións. Escoitarás que este culto á serpe pérdese en tempos remotos, antes ...
Ler máis

Insua dos poetas, un paque temático para o Galego no Carballiño

-
Imaxe
Traémosvos un lugar para pasar unha tarde refrescando literatos galegos ou un lugar no que a arte da palabra achegaravos ao sentir máis profundo de Galicia. Unha visita na que poñer a proba o que sabemos, quen é cada un deles, curiosidades dos homenaxeados e un nomear que obras regaláronnos. É quizais un rinconcito coa mellor das nosas artes, a literatura, ese fiar de palabras contando a mellor das historias, a nosa, que é tamén a de todo aquel que a queira coñecer, aí esta a maxia de Galicia. Antes gustaríame contarvos un pouco a historia deste lugar, porque como todo o bo, nace dun soño. A volta á terra dun emigrante galego fai que este terreo sexa parte dun proxecto de raíces na terra, unha gandería. O seu fillo aínda se emociona ao lembrar como a vida é ás veces inxusta e fai que o soño do seu pai trúnquese e o terreo non teña un comezo de futuro. O seu fillo ve na propiedade un tremendo potencial e a cultura aflora en cada esquina convertendo a insua nun referente cultural para t...
Ler máis

Foxo do Lobo de Laxoso, Lobeira de Laxoso | GALICIA MÁXICA

-
Imaxe
O Foxo do Lobo de Laxoso ou a Lobeira de Laxoso é unha trampa centenaria para a caza do lobo da que aínda hoxe poderemos ver os restos en Ponte Caldelas practicamente no val do río Verdugo. Os muros de leste de Laxoso son en forma de "V", a máis habitual en Galicia e os seus muros na súa orixe alcanzaban os tres metros de alto e case un metro de anchura.  A estrutura tiña ao redor de catrocentos metros de cachotería acabados no vértice en forma dun foso circular dun diamétro de 4,8 metros e unha profundidade de preto dos tres metros. O Foxo do Lobo de Laxoso foi parcialmente rehabilitado, sinalizado e posto en valor no ano 2017. Poderemos apreciar a estrutura do foso circular e parte dos muros de pedra seca que converxen nel, aínda que no momento da nosa visita os fentos cubrían gran parte deles. Lembremos que para a caza do lobo xuntábanse os veciños e cun gran alboroto e provistos de  bisarmas (especie e lanza rematada cun gancho) escorrentaban ao lobo ...
Ler máis